White Fang (cinta de 1991)
- Iste articlo ye sobre una cinta estausunidense de cine d'aventuras enguerada l'anyo 1991; ta atros usos, se veiga White Fang y White Fang (cinta).
White Fang (títol orichinal en anglés, en aragonés Catirón blanco, enguerada en Aragón con o suyo títol traduciu enta lo castellano como Colmillo blanco) ye una cinta de cine d'aventuras de cine estausunidense enguerada l'anyo 1991, dirichida por Randal Kleiser seguntes un guión adaptau por Jeanne Rosenberg, Nick Thiel y David Fallon (basau en a novela White Fang, [que heba publicau Jack London l'anyo 1906), con una banda soora orichinal de Basil Poledouris y Hans Zimmer, una dirección de fotografía de Tony Pierce-Roberts y una producción cinematografica de Markay Powell ta las productoras Walt Disney Pictures y Silver Screen Partners. Conta con un elenco formau, en os suyos papels principals, por Klaus Maria Brandauer, Ethan Hawke, Seymour Cassel, James Remar, Susan Hogan, Suzanne Kent y Bill Moseley.
Jack Conroy ye un choven que viviba en San Francisco y plega en Alaska en 1896 ta reclamar a mina d'oro de su pai, que ha falleixiu. En plegar-ie, troba a dos amigos, Clarence "Skunker" Thurston y Alex Larson, que a mala raca acceptan levar-lo con éls. Mientres o viache, una lobada los ataca un d'os lobos mata a "Skinner", y en l'incident una loba ha muerto, dixando a lo suyo cadillón albandonau. Un grupo d'amerindios troba a lo cadillón y l'adopta y, en veyer que ye un hibrido de lobo y can, lo claman White Fang (ye decir, "catirón blanco") por a color blanca d'os suyos catirons. Jack y Alex han pasau l'hibierno en un lugarón y, en plegar a primavera, marchan ta continar o suyo camín enta la mina d'oro, pero de camín dentran en o poblau indio d'a on procediban os que heban trobau a White Fang. Encara que los indios tractan con rudeza a l'animal, iste esfiende a Jack cuan l'ataca un onso. Cuan Jack y Alex marchan d'o poblau, os indios entregan a White Fang a un criador de cans ta barallas de cans, Beauty Smith, qui d'antes mas heba robau os diners de Jack. Ensinistrau ta la baralla, ye en bel meyo d'una cuan casualment Jack plega en o lugar y se leva a l'animal feriu. Alex li diz que ye un can adiestrau ta matar, pero Jack no li para cuenta y decide transformar o caracter d'o can mientres que continan buscando la mina d'oro. Despaciet, Jack desenrolla un estreito vinclo con White Fang y cuan son atacaus por Smith y la suya banda, White Fang los esfiende y los aduya. Como d'atra man han trobau a mina d'oro y ya son bien cabaleros, Alex li proposa de tornar enta San Francisco ta ubrir-ie un hotel chunto con Belinda, la propietaria d'un local en Alaska con qui se casará.
A cinta s'ambienta en Alaska en 1896 y 1897 mientres a fiebre de l'oro de Klondike y las suyas escenas se filmoron en Haines y Skagway (Alaska).[2]
White Fang recibió bella nominación a bel premio, encara que no a garra premio d'os mas conoixius u destacaus.
Elenco[3]
[editar | modificar o codigo]| Actor | Papel | Notas |
|---|---|---|
| [[]] | ' |
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 (en) Enguero de White Fang en Internet Movie Database.
- ↑ (en) Localizacions de White Fang en Internet Movie Database.
- ↑ (en) White Fang en Internet Movie Database.
| Control d'autoridaz |
|
|---|
Datos: Q135491
- Cintas por títol
- Cintas de 1991
- Cintas ambientadas en Alaska
- Cintas ambientadas en 1896
- Cintas ambientadas en 1897
- Cintas con banda sonora orichinal de Basil Poledouris
- Cintas con banda sonora orichinal de Hans Zimmer
- Cintas con dirección de fotografía de Tony Pierce-Roberts
- Cintas con guión de David Fallon
- Cintas con guión de Jeanne Rosenberg
- Cintas con guión de Nick Thiel
- Cintas con montache de Lisa Day
- Cintas de cine d'aventuras
- Cintas d'Estaus Unius
- Cintas dirichidas por Randal Kleiser
- Cintas en anglés
- Cintas en Technicolor
- Cintas interpretadas por Bill Moseley
- Cintas interpretadas por Ethan Hawke
- Cintas interpretadas por James Remar
- Cintas interpretadas por Klaus Maria Brandauer
- Cintas interpretadas por Seymour Cassel
- Cintas interpretadas por Susan Hogan
- Cintas interpretadas por Suzanne Kent
- Cintas producidas por Markay Powell
- Cintas rodadas en Haines (Alaska)
- Cintas rodadas en Skagway